Конституция – Ўзбекистон тараққиётининг асосий негизидир
Ҳар бир давлатнинг сиёсий, ҳуқуқий ва ижтимоий ҳаётида Конституция асосий ўрин тутади. Чунки у-жамиятнинг бош йўл харитаси, фуқаронинг энг катта кафолати, давлат ҳокимиятининг асосий пойдеворидир. 2023-йилда қабул қилинган янги таҳрирдаги конституция мамлакатимиз тараққиётига янги босқич очиб беради.
Янги Конституцияни қабул қилиш жараёнида аҳолининг фаол иштироки таъминланди. Миллионлаб таклифлар, юзлаб муҳокама майдонлари, очиқ эшитувлар-буларнинг барчаси асосий қонун халқнинг иродасига таяниб яратилганини кўрсатади.
Бугун биз янги таҳрирдаги қомусимизни оддий ҳужжат сифатида эмас, балки жамиятимизнинг келажакка бўлган ишончи ва интилишининг ҳуқуқий ифодаси сифатида қабул қилмоқдамиз.
Конституциянинг биринчи моддасида илк бор Ўзбекистонни ижтимоий давлат деб эълон қилди. Бу давлат аҳоли турмуш даражасини оширишга мажбурлигини, кам таъминланган қатламларни қўллаш, уларни иш билан таъминлаш, муносиб меҳнат ва ижтимоий адолатни қарор топтириш конституциявий мажбуриятга айланди.
Шу билан бир қаторда янги конституциянинг 136-моддасида судяларнинг қарор қабул қилишда мустақиллиги ва судянинг ва унинг оила аъзоларининг хавфсизлигини давлат ҳимоя қилиши конституцияда аниқ кафолатлар билан мустаҳкамланди. Эски таҳрирдаги конституцияда судяларнинг мустақиллиги умумий тарзда қайд этилган эди. Бу янгиланиш судяларнинг сиёсий ёки маъмурий босимдан ҳоли бўлиши адолатли қарорлар чиқарилишига шароит яратди.
О ъзбекистон янги таҳрирдаги Конституцияда тўлиқ маънода ҳуқуқий давлат тамойилини эълон қилди. Суд ҳокимияти ҳуқуқий давлатнинг марказий институти сифатида қайта талқин қилинди. Суд тизими барча ислоҳотларнинг юраги сифатида эътироф этилади.
Буларнинг барчаси Ўзбекистонда ҳуқуқий давлат қуриш, “инсон қадри” тамойилини амалда таъминлаш ва жамиятда адолатга бўлган ишончни кучайтиришга хизмат қилади.
Сурхандарё вилоят маъмурий
Суди судя катта ёрдамчиси
М.Исмоилова