Коррупцияга қарши қарши курашиш бугунги кун давр талаби – Сурхондарё вилоят маъмурий судлари мисолида.
Коррупцияга қарши курашишда аҳолининг барча қатламлари, энг яхши мутахассислар жалб қилинмас экан, жамиятимизнинг барча аъзолари, таъбир жоиз бўлса, “ҳалоллик вакцинаси” билан эмланмас экан, ўз олдимизга қўйган юксак марраларга эриша олмаймиз. Биз коррупциянинг оқибатлари билан курашишдан унинг барвақт олдини олишга ўтишимиз керак.
ШАВКАТ МИРЗИЁЕВ
“Зиммамга юклатилган вазифаларни ҳалол ва виждонан бажаришга, одил судловни фақат Ўзбекистон Республикаси Конституцияси
ва қонунларига бўйсунган ҳолда амалга оширишга, судьялик бурчим ва виждоним буюрганидек беғараз, холис ва адолатли бўлишга тантанали қасамёд қиламан”.
Ўзбекистон Республикасининг “Судлар тўғрисида”ги қонуни.
60-модда.
Судья вазифаларини виждонан бажариши, сабр-қаноатли, тоза
ва покдомон, ўз нафсининг тарбиячиси, шунингдек, ўзи ҳамда оила аъзоларининг ҳалол ризқ ҳисобига яшашларига эътиборли бўлиши лозим.
“Судьялар ободи кодекси”. 6-модда.
Сурхондарё вилоят маъмурий суди раисининг 2025 йил 14 февралдаги “Сурхондарё вилояти маъмурий судининг ички меҳнат тартиби қоидаларини тасдиқлаш ҳақида”ги 10-сонли буйруғи билан Сурхондарё вилоят маъмурий судининг ички меҳнат тартиб Қоидалари тасдиқланган.
Мазкур қоидаларда, суд аппарати ходимларининг коррупцияга муросасиз бўлишилиги қайд этилган.
Дарҳақиқат, жорий йилнинг 10 март куни Ўзбекистон Республикаси Президенти раисилигида коррупциянинг олдини олиш бўйича ишлар натижадорлиги ва келгусида устувор вазифаларга бағишланган кенгайтирилган йиғилиш бўлиб ўтди.
Йиғилишда барча соҳа вакилларига эътироз билдириб, суд тизимида коррупциявий хавф-хатарларни олдини олиш, одил судлов сифати
ва самарадорлигини ошириш доим диққа марказида бўлиши зарурлигини таъкидлаб ўтганди.
Ушбу йиғилишдан келиб чиқиб, Ўзбекистон Республикаси Олий суд раисининг тизимда коррупцияга нисбатан муросасиз муносабатни шакллантириш юзасидан судья ва суд аппарати ходимларига мурожаатини эълон қилди.
Шу муносабат билан, Ўзбекистон Республикаси Олий суди томонидан Судларда коррупцияга қарши курашиш самарадорлигини янада ошириши ҳамда меҳнат ва ижро интизомига риоя қилиш юзасидан бир қатор
чора-тадбирлар кўриб келинмоқда.
Шу қатори, Сурхондарё вилоят маъмурий суди томонидан судья ва суд ходимларининг хизмат ва хизматдан ташқари юриш-туриш, одоб-ахлоқ қоидаларига, меҳнат ва ижро интизомига риоя қилиши, хизмат вазифаларини виждонан бажариши, сабр-қаноатли, тоза ва ҳалол бўлиши, манфаатлар тўқнашувига йўл қўймаслиги, шунингдек, коррупциянинг ҳар қандай кўринишига қарши муросасиз курашиш бўйича бир қатор ишлар амалга оширилмоқда.
Сурхондарё вилоят маъмурий суди раиси томонидан 2025 йил
10 январда “Суд органларида манфаатлар тўқнашуви ва судларда коррупция ҳолатларини барвақт аниқлаш, бартараф этиш ҳамда уларни олдини олиш, шунингдек судларда коррупцияга нисбатан тоқатсизлик муҳитини шакллантириш” бўйича Чора-тадбирлар Режаси ишлаб чиқилган ва ушбу режага кўра, бир қатор ишлар амалга оширилди.
Жумладан, суд аппарати ходимлари томонидан эҳтимолий манфаатлар тўқнашуви тўғрисида декларация тўлдириш;
Судьялар ва суд ходимлари билан;
оила аъзолари ва яқин қариндошлари билан суҳбат ўтказиш;
моддий ҳамда ижтимоий аҳволи, иш фаолиятига салбий таъсир кўрсатувчи ҳамда коррупция хавфини юзага келтируви бошқа омилларни ўрганиш,
Судьялар одоби кодекси ва одоб-ахлоқ қоидаларига, меҳнат интизомига, фуқаролар ва тарафлар билан муносабатда муомала маданиятларига риоя қилишлари, судья ва суд ходими деган номга доғ туширувчи хатти-ҳаракатлар содир этганлиги ёки этишга мойиллиги юзасидан доимий ўрганишлар олиб бориш;
улар ўртасида аноним сўровномалар ташкил этиш
ва ўтказиш;
фуқароларни суд биносига кириб-чиқиши бўйича кунлик назорат ўрнатиб бориш ва суд биносига киришда телефон, ноутбук ва бошқа қурилмалар топширган ҳолда кириш ва улардан суд биносида фойдаланмаслик;
касб ва одоб-ахлоқ қоидалари ҳамда кийиниш ва ташқи кўриниш одобларига риоя қилиши ва ушбу талабларга риоя қилиниши устидан кунлик назорат ўрнатиш;
ҳуқуқбузарлик содир этганлиги ҳолатини доимий ўрганиб бориш белгиланиб, бу ҳақда тегишли ишлар доимий равишда амалга оширилиб келинмоқда ва бажарилган ишлар суд раислари томонидан назоратга олинган.
Шунингдек, 2025 йил 19 майда Сурхондарё вилоят маъмурий судлари томонидан коррупцион ҳолатларни барвақт аниқлаш, унинг олдини олиш
ва тизимда коррупцияга қарши муросасиз муносабатга бўлиш ва 2025 йил
20 октябрда Судларда коррупцияга қарши курашиш самарадорлигини янада ошириш ҳамда меҳнат ва ижро интизомини кучайтириш юзасидан тегишли чора-тадбирлар белгилаб олинган.
Мазкур режаларда, коррупцияга қарши курашиш бўйича судьялар ва суд аппарати ходимлари ўзларига юклатилган вазифалар ва берилган топшириқларни ўз вақтида ва сифатли бажариш, судья ва суд аппарати ходимларига маънавий, ахлоқий жиҳатдан юксалтириш мақсадида ҳар ойида камида битта бадиий китоб ўқиш, умумий ва соҳавий қонунчилик ҳамда мансаб йўриқномаси юзасидан билим ва кўникмаларини баҳолаш бўйича савол-жавоблар ўтказиш, ушбу соҳага оид семинар машғулотлари ўтказиб бориш ва коррупция оқибатларини тушунтириш ҳамда видеороликлар намойиш қилиш юзасидан бир қатор ишлар амалга ошириб келинмоқда.
Шу билан бирга, вилоят ҳудудида содир этилган коррупциявий ҳолатларни чуқур таҳлил қилган ҳолда Коррупцияга қарши курашиш бўйича ҳудудий кенгашларга ахборот киритиш амалиёти ҳам йўлга қўйилган.
Сурхондарё вилоят
маъмурий суди судьяси А.Мухиддинов