СУРХОНДАРЁ ВИЛОЯТ МАЪМУРИЙ СУДИ СУДЬЯ ВА СУД ХОДИМЛАРИ ТОМОНИДАН

• on 16 Mar 2024
• By admin
• Янгиликлар

2024 йил 16 март куни Сурхондарё вилоят маъмурий суди судья ва суд ходимлари томонидан умумхалқ хайрия ҳашари ўтказилди.

Ўзбекистон Республикаси Вазирлар Маҳкамасининг 2024 йил                                             6 мартдаги 137-F-сонли фармойишига кўра, “Обод ва файзли маҳалла-юрт кўрки” шиори остида умумхалқ хайрия ҳашари ўтказилди.

Ҳашарда Сурхондарё вилоят маъмурий суди судья ва суд ходимлари Наврўз умумхалқ байрамини муносиб нишонлаш ҳамда муборак Рамозон ойини қарши олишга тайёргарлик кўриш, маҳаллалар, аҳоли турар жойлари, зиёратгоҳлар ҳамда “Яшил макон” умуммиллий лойиҳаси доирасидаги кўкаламзорлаштириш тадбирларини давом эттириш, соғлом турмуш тарзи ҳамда санитария-гигинек маданиятни тарғиб қилиш, шунингдек аҳолинининг ижтимоий ҳимояга муҳтож қатламини қўллаб-қувватлаш мақсадида амалга оширилади.

Хайрия ҳашари доирасида бир қатор хайрли тадбирлар амалга оширилди.

Вилоят маъмурий суди биноси ва бино ташқарисига 50 тупдан зиёд   арча дарахт кўчати экилди. Дарахтлар оқланиб, уларга шакл берилди.

Ободонлаштириш ишлари ўтказилиши жараёнида суд ҳудудини  ён-атрофи ва ҳавлиси, ариқлар, кўча ва йўлаклари тартибга келтирилиб тўпланган чиқиндилардан тозаланди.

Вилоят маъмурий суди биносини ташқи тарафига тўлиқ қайта ранг урилди.

Обод ва файзли маҳалла-юрт кўркидир!

• on 26 Fev 2024
• By admin
• Янгиликлар

Хотин-қизларнинг жамият ривожидаги ҳиссаси

Мамлакатимиз мустақилликка эришгандан сўнг қабул қилинган қонунларимизда аёл ҳуқуқларига инсон ҳуқуқининг алоҳида ажралмас қисми сифатида қарала бошланди. Мамлакатимизда аёллар жамиятнинг фаол аъзоси сифатида барча соҳаларда кенг қамровли иштирок этиши таъминланган.

Хотин-қизларнинг жамият ривожидаги ҳиссасини муносиб баҳолаш, уларга барча масалаларда кўмаклашиш-буларнинг барчаси қадимдан халқимизга хос.

Хотин-қизлар ҳуқуқ ва эркинларини қонун талаби асосида таъминлаш муаммоси турли омилларга, жумладан, жамиятнинг ижтимоий-иқтисодий ривожлангани, умумий маданият, фуқаролик жамиятининг шаклланиш даражасига боғлиқ.

 Янгиланаётган Ўзбекистонда хотин-қизларнинг давлат бошқарувидаги фаоллигини оширишга қаратилган хотин-қизларга оид давлат сиёсатини қўллаб-қувватлаш ҳамда ривожлантириш борасида амалга оширилаётган ислоҳотлар бунинг исботидир.

Бугунги кунда суд тизимида фаолият юритаётган аёл судьялар жамиятда қонун устуворлиги ва адолат барқарорлигини таъминлашда муносиб ҳисса қўшмоқдалар.

Суд тизимида аёллар ҳиссасини ошириш нафақат хотин-қизлар ҳуқуқларини ҳимоя қилишда, балки қонун устуворлигини мустаҳкамлаш, гендер тенглигини таъминлаш учун зарурдир.

Ривожланган мамлакатларда инсон эркинлигини ижтимоий, оилавий, шахсий ҳаётда ҳар томонлама таъминлашга муҳим аҳамият бериб келинаётгани бежиз эмас. Гендер муаммоси ана шундай долзарб масалалардан биридир. Қадимги замонлардаёқ аёлларнинг эркаклар билан тенг ҳуқуқли экани қизғин баҳсларга сабаб бўлган. Жинслар ўртасидаги тенглик ҳақидаги ғояни биринчи бўлиб софист Антифонт  ўз асарларида баён қилиб, шундай фикр билдирган: “Табиат барчани, аёлни ҳам, эркакни ҳам тенг қилиб яратади, лекин инсонлар ўзларини тенгсиз ҳолатга солувчи қонунларни ўзлари бунёд этадилар”. Шунингдек, софист Алкидам ва Ликофрон қарашларида ҳам табиий ҳуқуқлар тенглиги ва барча одамларнинг эркинлиги ҳақидаги фикрларни учратамиз.

Ўзбекистон Республикаси Оила кодексига мувофиқ эр ва хотин оилада тенг ҳуқуқлардан фойдаланади ва улар тенг мажбуриятларга эгадирлар, эр ва хотиннинг ҳар бири машғулот тури, касб ва яшаш жойини танлашга эркиндир.

Тарихдан маълумки, меҳнат турлари ва санъат дастлаб аёл зоти томонидан кашф этилган, эркаклар эса уларни ривожлантириб, такомиллаштирган. Демак, ҳозирги замон цивилизациясининг ибтидосида аёл турган. Ўтмишда аёллар ҳукмронлиги давридан эркаклар салтанатига ўтиш хотин-қизларнинг жамиятдаги мавқеини ўзгартирди, аёллар фаолиятини фақат оила чегарасида белгилашга мойиллик кучайди. Аёллар ўз қобилияти ва истеъдодини ривожлантириш, намоён этиш ҳуқуқидан маҳрум бўлиб, оиладаги ўрни фақат фарзанд туғиб, уларни тарбиялаш билан чекланиб қолди. Оқибатда у эркак кишига моддий, маънавий, ижтимоий, маиший жиҳатдан қарам бўлиб яшай бошлади.

Ижтимоий тузумлар ўзгариши билан инсон ҳаётига бўлган муносабатлар ҳам ўзгариб, қонунсизлик, яъни қадр-қимматни поймол этиш каби кўплаб салбий ҳолатларга нисбатан норозилик туйғуси шакллана борди ва натижада адолат, аёл эркинлиги, ҳуқуқини эътироф этиш ғоялари етила бошлади. Бу эса, аёлларнинг ҳам эркин яшашга ҳақли инсон экани, жамият тараққиётида ўз ўрнини топиши зарурлиги ғоясини вужудга келтирди.

1791 йили Олимпия де Гуж томонидан тайёрланган “Фуқаролик ва аёл ҳуқуқи декларацияси”да ҳам аёлларнинг эркин фикрлаши ва ўз фикрини билдириш ҳуқуқига эга экани очиқ эътироф этилди. Ушбу декларация аёллар ҳаракатининг биринчи манифести ҳисобланади.

Гендер муаммосини ҳал этиш учун давлат ва жамиятнинг биргаликдаги куч-ғайрати талаб қилинади. Яъни гендер тенглиги давлатнинг ҳимоя сиёсати ҳамда хотин-қизларнинг ташаббуси орқали амалга оширилиши мумкин. Бу эса, келажакда сиёсий фаол, ҳуқуқий билимга эга, фуқаролик жамияти қуришга камарбаста фаол аёллар сафини янада кенгайтириш имконини беради.

Сурхондарё вилоят маъмурий суд судьяси                                     Х.Рахимова

• on 13 Fev 2024
• By admin
• Янгиликлар

Ҳ А М Д А Р Д Л И К

Сурхондарё вилоят маъмурий суди жамоаси Сурхондарё вилоят суди АКТ бошқармаси бош консультанти КАТТАҚУЛОВ АБРОР АБДУҲОЛИҚ ўғлини волидаи муҳтарамаси ГУЛНОРА АДИНАЕВАнинг вафоти муносабати билан чуқур ҳамдардлик изҳор қилади.

• on 12 Fev 2024
• By admin
• Янгиликлар

Шахсга яратилган шарт-шароитлар – имкониятдир!

Мамлакатимизда сўнги йилларда “инсон қадри” шиори остида шахснинг ҳуқуқлари ва эркинликлари, қонуний манфаатларини ҳимоя қилиш, уларни таъминлаш борасида жадал ислоҳотлар амалга оширилмоқда. 2023 йилнинг 30 апрель куни халқ Конституцияси тўғридан-тўғри умумхалқ овози билан қабул қилинди. Янги Конституция қонунчилигимизнинг асоси бўлиши, қабул қилинаётган қонунлар ва бошқа норматив-ҳуқуқий ҳужжатлар Конституцияга мос бўлиши белгиланди. Шу сабабли амалда қўлланилаётган қонунчилигимизга ҳам қатор ўзгаришлар киритилмоқда.
Янги Конституциямизнинг 55-моддасида ҳар ким ўз ҳуқуқ ва эркинликларини қонунда тақиқланмаган барча усуллар билан ҳимоя қилишга ҳақли эканлиги, ҳар кимга ўз ҳуқуқ ва эркинликларини суд орқали ҳимоя қилиш, давлат органларининг ҳамда бошқа ташкилотларнинг, улар мансабдор шахсларининг қонунга хилоф қарорлари, ҳаракатлари ва ҳаракатсизлиги устидан судга шикоят қилиш ҳуқуқи кафолатланиши белгилаб қўйилганлиги инсонга бўлган эътиборнинг бир кўринишидир, аммо судга мурожаат қилишда фуқаролар давлат божи тўлаши шартлиги кўпчиликка қийинчилик туғдирар эди ва судга мурожаат қилиш ҳуқуқидан фойдаланмаслик ҳолатларига ҳам олиб келган.
Асосий Қонунимиз инсон ҳуқуқларини ўзида акс эттирар экан, Ўзбекистон Республикасининг “Давлат божи тўғрисида”ги Қонунини ҳам унга мутаносиблаштирилиши муҳим аҳамият қасб этади.
Қонунда ваколатли муассасаларга ва (ёки) мансабдор шахсларга мурожаат қилаётган ва ўзига нисбатан юридик аҳамиятга молик ҳаракат ва (ёки) ҳужжатлар бериш амалга ошириладиган юридик ва жисмоний шахслар давлат божини тўловчилар ҳисобланиши белгиланган. Бевосита фикримизни маъмурий судларга мурожаат қилишда шахсларга яратилган имкониятларга қаратадиган бўлсак, Ўзбекистон Республикасининг “Давлат божи тўғрисида”ги Қонунининг
10-моддасида дават божини тўлашдан озод қилинганлар белгилаб қўйилган эди, аммо Ўзбекистон Республикасининг 2024 йил
16 январдаги ЎРҚ-897-сонли Қонуни билан “Давлат божи тўғрисида”ги Қонунига ҳам қатор ўзгартишлар киритилди, яъни маъмурий судларга мурожаат қилишда тадбиркорлик субъектларининг имкониятлари кенгайтирилиб, жисмоний шахслар ва педагог ходимлар ҳам эндиликда давлат божини тўлашдан озод этилади. Қонуннинг 10-моддасига кўра, қуйидагилар маъмурий судларга мурожаат қилишда давлат божи тўлашдан озод қилинган:
1) тадбиркорлик субъектлари — тадбиркорлик фаолиятини амалга ошириш билан боғлиқ ҳуқуқлари ва қонуний манфаатларини бузаётган маҳаллий давлат ҳокимияти органларининг, республика ижро этувчи ҳокимият органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан судга мурожаат қилганда;
11) жисмоний шахслар — ўз ҳуқуқларини ва қонуний манфаатларини бузаётган маҳаллий давлат ҳокимияти органларининг, республика ижро этувчи ҳокимият органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан судга мурожаат қилганда;
2) Ўзбекистон Республикаси Савдо-саноат палатаси ва унинг ҳудудий бошқармалари — давлат бошқаруви органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан палата аъзоларининг манфаатларини кўзлаб берилган аризалар бўйича;
3) нодавлат нотижорат ташкилотлари — ўз ҳуқуқлари ва қонуний манфаатларини бузаётган давлат органларининг ғайриқонуний қарорлари, улар мансабдор шахсларининг ҳаракатлари (ҳаракатсизлиги) устидан судга шикоят қилганда;
4) Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши ҳамда Қорақалпоғистон Республикаси, вилоятлар ва Тошкент шаҳар фуқароларнинг ўзини ўзи бошқариш органлари фаолиятини мувофиқлаштириш бўйича ҳудудий кенгашлар — фуқаролар ўзини ўзи бошқариш органларининг ҳуқуқлари ва қонуний манфаатларини бузаётган давлат бошқаруви органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан судга шикоят қилганда;
5) ногиронлиги бўлган шахсларнинг жамоат бирлашмалари, шунингдек уларнинг муассасалари, ўқув-ишлаб чиқариш корхоналари ва бирлашмалари — ўз ҳуқуқлари ва қонуний манфаатларини бузаётган давлат бошқаруви органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг ғайриқонуний қарорлари, ҳаракатлари (ҳаракатсизлиги) устидан судга шикоят қилганда;
6) давлат солиқ хизмати органлари, молия ва божхона органлари — барча ишлар ҳамда ҳужжатлар бўйича;
7) прокуратура органлари — давлатнинг, юридик ва жисмоний шахсларнинг манфаатларини кўзлаб бериладиган аризалар юзасидан;
8) адлия органлари — давлатнинг, юридик ва жисмоний шахсларнинг манфаатларини кўзлаб бериладиган аризалар юзасидан;
9) юридик ва жисмоний шахслар — давлат ижрочисининг ҳаракатлари (ҳаракатсизлиги) устидан бериладиган аризалар (шикоятлар) бўйича;
10) Ўзбекистон фермер, деҳқон хўжаликлари ва томорқа ер эгалари кенгаши, Қорақалпоғистон Республикаси, вилоятлар ва туманлар фермер, деҳқон хўжаликлари ва томорқа ер эгалари кенгашлари — фермер, деҳқон хўжаликлари ва томорқа ер эгаларининг ҳуқуқлари ҳамда қонуний манфаатларини бузаётган давлат бошқаруви органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан фермер, деҳқон хўжаликлари ва томорқа ер эгаларининг манфаатларини кўзлаб бериладиган аризалар (шикоятлар) юзасидан;
101) Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда унинг ҳудудий органлари — ўз зиммасига юклатилган ваколатларга мувофиқ судларга кўриб чиқиш учун бериладиган аризалар ва шикоятлар юзасидан;
102) Ўзбекистон Республикаси Давлат активларини бошқариш агентлиги ва унинг ҳудудий органлари, Ўзбекистон Республикаси Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш маркази ҳамда унинг ҳудудий органлари — ўз зиммасига юклатилган ваколатларга мувофиқ судларга кўриб чиқиш учун бериладиган даъволар ва аризалар юзасидан;
103) Ўзбекистон Республикаси Капитал бозорини ривожлантириш агентлиги ва унинг ҳудудий органлари — ўз зиммасига юклатилган ваколатларга мувофиқ судлар кўриб чиқиши учун бериладиган аризалар юзасидан;
104) Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп квартирали уй-жой фондидан фойдаланиш соҳасини назорат қилиш инспекцияси ва унинг ҳудудий инспекциялари — кўп квартирали уй-жой фондини сақлаш ва ундан фойдаланиш соҳасида ўз зиммасига юклатилган ваколатларга мувофиқ судлар кўриб чиқиши учун бериладиган аризалар юзасидан;
11) мулкдорлар — хусусий мулк ҳуқуқини амалга ошириш билан боғлиқ бўлган ўз ҳуқуқлари ва қонуний манфаатлари бузилганлиги тўғрисида давлат органларининг ва бошқа органларнинг, фуқаролар ўзини ўзи бошқариш органларининг қарорлари, улар мансабдор шахсларининг ҳаракатлари (ҳаракатсизлиги) устидан судга шикоят қилиш ҳақидаги ишлар юзасидан;
12) чет эл инвестициялари иштирокидаги акциядорлик жамиятлари — уларнинг ҳуқуқлари ва қонуний манфаатлари бузилганлиги тўғрисидаги аризалар (шикоятлар) юзасидан;
13) тарафлар — муайян яшаш жойига эга бўлмаган шахсни реабилитация марказига жойлаштириш ҳақидаги ишлар юзасидан;
14) Ўзбекистон Республикаси Маданият вазирлиги ҳузуридаги Маданий мерос департаменти ва унинг ҳудудий бошқармалари — моддий маданий мерос объектларини муҳофаза қилиш ва улардан оқилона фойдаланишга доир ишлар юзасидан;
15) Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил — тадбиркорлик субъектлари манфаатларини кўзлаб берилган аризалар (шикоятлар) юзасидан;
16) Ўзбекистон Республикасининг Ҳисоб палатаси — Ўзбекистон Республикасининг иқтисодий манфаатларини ҳимоя қилиш мақсадида берилган аризалар (шикоятлар) юзасидан;
17) Ўзбекистон Республикаси Камбағалликни қисқартириш ва бандлик вазирлиги ҳузуридаги Оила ва хотин-қизлар қўмитаси ҳамда унинг ҳудудий бўлинмалари — хотин-қизларнинг ҳуқуқлари ва қонуний манфаатларини ҳимоя қилиш мақсадида бериладиган аризалар, шикоятлар ва даъволар юзасидан;
18) Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармаси — ўз ҳуқуқлари ҳамда қонуний манфаатларини ҳимоя қилиш юзасидан аризалар ва шикоятлар билан судга мурожаат қилганда.
19) педагог ходимлар — касбий фаолиятини амалга ошириш давомида педагог ходимларнинг ҳуқуқларини бузаётган давлат органларининг ғайриқонуний қарорлари, улар мансабдор шахсларининг ҳаракатлари (ҳаракатсизлиги) устидан судга шикоят қилганда.
Ушбу модда биринчи қисмининг 1, 11, 2, 9, 11 ва 12-бандларида кўрсатилган шахсларнинг талабларини қаноатлантириш тўлиқ ёки қисман рад этилган тақдирда, давлат божи шу шахслардан талабларнинг қаноатлантирилиши рад этилган миқдорига мутаносиб равишда ундирилади.
Сўнги йилларда олиб борилаётган ислоҳотларни мулоҳаза қилар эканмиз, ислоҳотлар негизида инсон, унинг ҳуқуқлари, эркинликлари, шаъни, қадр-қиммати турганлигини яққол кўришимиз мумкин. Мамлакатимизда шахс ҳуқуқлари ҳуқуқий тизимимизнинг асосини ташкил этиши белгиланган, уни амалга ошириш эса ҳар биримизнинг қўлимиздадир.

Сурхондарё вилоят маъмурий суди
судья катта ёрдамчиси Р.Тожимуродова

• on 7 Fev 2024
• By admin
• Янгиликлар

Д И Қ Қ А Т, Т А Н Л О В!

Сурхондарё вилоят маъмурий суди судья катта ёрдамчиси лавозимига малакали мутахассисларни ишга таклиф қилади.

Номзодлар танлов асосида ишга қабул қилинади.

Танловда олий юридик маълумотли, компьютер билан ишлаш малакасига эга бўлган мутахассислар иштирок этиши мумкин.

Номзоднинг чет тилларини билиш қобилияти қўшимча равишда рағбатлантирилади.

Танлов бўйича номзодни ишга қабул қилиш тегишли комиссия суҳбати натижасига кўра амалга оширилади.

Танловда иштирок этиш истагини билдирган номзодлар Сурхондарё вилоят маъмурий судига (Термиз шаҳри, Навбоғ кўчаси,
12-уй) қуйидаги ҳужжатларни юборишлари сўралади:

– ариза (яшаш манзили ва телефон рақамини кўрсатган ҳолда);

– маълумотнома (объективка);диплом нусҳаси иловаси билан.

Аризалар 2024 йил  17 февраль, соат 17:00 га қадар қабул қилинади.

Мурожаат учун тел.: (76) 227 28-18.   (55) 453 19 00

• on 17 Yan 2024
• By admin
• Янгиликлар

Маъмурий судларда тафтиш инстанцияси жорий этилди.

Суд қарорларининг қонунийлиги ва асослилигини текшириш тартиби такомиллаштирилиши муносабати билан Ўзекистон Республикаси МСИЮтКга ўзгартириш ва қўшимчалар киритиш ҳақида ЎРҚ 889-сонли Қонуни 2023 йил 25 декабрда қабул қилинган.

Ушбу Қонун билан ЎР МСИЮтКга ишларни кўришнинг ўта марказлаштирилишига барҳам бериш, фуқароларнинг олис ҳудудлардан судга келиб сарсон бўлишининг олдини олиш мақсадида вилоят судларида ишларни апелляция ёки кассация ва тафтиш тартибида кўрилишини, ишлар тафтиш тартибида ЎР. Олий судининг Маъмурий ишлар бўйича судлов ҳайъатида ва алоҳида ҳолларда ЎР Олий суди Раёсатида кўрилишини ҳамда юқори инстанция судлари томонидан ишларни янгидан кўриш учун биринчи инстанция судига юбориш тапртиби бекор қилинишини, шунингдек ерга оид ҳуқуқий муносабатлар билан боғлиқ ишларни маъмурий судлар томонидан кўришда прокурор иштироки шартлигини назарда тутувчи ўзгартириш ва қўшимчалар киритилган.

Мазкур Қонун билан МСИЮтКнинг 17-моддасининг 3-қисмида Ишни Ўзбекистон Республикаси Олий судининг Раёсатида тафтиш тартибида кўриш ҳайъатда Олий суд Раёсати аъзоларининг кўпчилиги иштирокида амалга оширилади.

Ишни биринчи инстанция судида кўришга иштирок этган судья, агар суд қарори апеллляция, кассация ёки тафтиш инстанцияларида бекор қилинган бўлса, шу ишни биринчи инстанция судида янгидан кўришга(янги очилган ҳолатлар мустасно); апелляция, кассация ёки тафтиш инстанцияси судида кўришга йўл қўйилмайди.

Ишни апел. судида кўришда иштирок этган судья шу ишни биринчи, кассация ва тафтиш инстанцияларида кўришда иштирок этмайди.

Ишни кассация судида кўришда иштирок этган судья шу ишни биринчи, апелляция ва тафтиш инстанцияда кўришда иштирок этмайди.

Ишни тафтиш инстанция судида кўришда иштирок этган судья шу ишни биринчи, апеллляция ва кассация инстанцияларида иштирок этмайди.

46-м. 7қ. ерга оид ҳуқуқий муносабатлар билан боғлиқ ишларда прокурорни иштирок этиши шарт деган сўзлар киритилди.

126³  м.5қ.  Келишув    битими апелляция ёки кассация, тафтиш инстанциялари томонидан тасдиқланган тақдирда, суд ажрим чиқарилиб, илгари қабул қилинган барча суд ҳужжатлари бекор қилинади ва иш юритиш тугатилади. Бунда  суд ҳужжатининг қонунийлиги ва асослилиги текширилмайди.

Апелляция шикояти(протести) беришнинг ўтказиб юборилган муддати шикоят(протест) бераётган шахснинг илтимосномаси бўйича судья томонидан, агар илтимосномаси ҳал қилув қарори қабул қилинган кундан 3 ой ўтмасдан берилган бўлса ва узрли сабаб бўлса тикланиши мумкин.

Апелляция шикояти (протести) иш юритишга қабул қилиш, қабул қилишни рад этиш ёки қайтариш тўғрисида ажрим нусхаси у чиқарилган куннинг эртасидан кечиктирмай (эски таҳрирда уч кун) ишда иштирок этувчи шахсларга ушбу кодекснинг 171м. тартибда юборилади электрон почта орқали.

219м. апелляция инстанцияси суди ишни судга тааллуқлилик қоидалари бузилган ҳолда кўрилганлиги  ҳал қилув қарорини бекор қилишга ва ишни  судга тааллуқлилигига  кўра бошқа судга юборишга ҳақлилиги белгиланган.

Апелляция инстанцияси суди ишни биринчи инстанция судида иш юритиш қоидалари бўйича кўради.

Бунда, ишни биринчи инст. судида иш юритиш қоидалари бўйича кўришга ўтиш ҳақида ажрим чиқариб, унда бажарилиши лозим бўлган ҳаракатлар кўрсатилади.

Агар иш янгидан кўриш учун юборилаётган бўлса, биринчи инстанция  суди томонидан бажарилиши керак бўлган ҳаракатлар апелляция инст. судининг қарорида кўрсатилади деган тартиб бекор қилинди.

Ишда иштирок этувчи шахслар ва ишда иштирок этишга жалб қилинмаган, аммо ҳуқуқлари ва мажбуриятлари тўғрисида суд ҳал қилув қарори қабул қилган шахслар, Ўзекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили биринчи инстанция судининг қонуний кучга кирган, апелляция тартибида кўрилмаган ҳал қилув қарори устидан кассация шикояти (протести) беришга ҳақли.

Туманлараро маъмурий судининг қарори, вилоят маъмурий судининг биринчи инстанция бўйича қабул қилинган ҳал қилув қарори устидан берилган кассация шикоятлар вилоят маъмурий суди томонидан кассация тартибидан кўрилади.

Олий судининг биринчи инстанция бўйича қабул қилинган ҳал қилув қарори устидан берилган кассация шимкояти Олий суднинг Маъмурий ишлар бўйича судлов ҳайъати томонидан кўрилади.

Кассация шикояти кассация инстанция судига йўлланади, бироқ ҳал қилув қарори қабул қилган судга топширилади.

Ҳал қилув қарори қабул қилган суд шикоят келиб тушган кундан бошлаб 5 кун муддатда уни кассация инстанция судига иш билан бирга юборади.

Кассация шикояти (протести) ҳал қилув қарори қонуний кучга кирган кундан эътиборан 6 ОЙ ичида берилади.

Туманлараро маъмурий судининг қонуний кучга кирган, апелляция ёки кассация тартибида кўрилган ишлар бўйича ҳал қилув қарори , ажрими, қарори устидан вилоят судига қуйидаги шахслар тафтиш тартибида шикоят (протест) қилиши мумкин:

Ишда иштирок этувчи шахслар, ишда иштирок этишга жалб қилинмаган шахслар, аммо ҳуқуқлари ва мажбуриятлари итўғрисида суд қарор қабул қилган шахслар, Ўзекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили, Бош прокурор ва унинг ўринбосарлари, вилоят прокурори ва унинг ўринбосарлари.

Вилоят маъмурий суди томонидан тафтиш тартибида кўрилган ишлар бўйича , ушбу суд томонидан  биринчи инстанция, апелляция ёки кассация тартибида кўрилган суд ҳужжатлари, Олий суд томонидан биринчи инстанция, апелляция ёки кассация тартибида кўрилган суд ҳужжатлари устидан Олий судининг Маъмурий ишлар бўйича судлов ҳайъатига қуйидаги шахслар тафтиш тартибида шикоят қилиниши (протест келтириши) мумкин:

Ишда иштирок этувчи шахслар;

Бош прокурор ва унинг ўринбосарлари.

 Олий судининг Маъмурий ишлар бўйича судлов ҳайъати томонидан тафтиш тартибида суд ҳужжатлари устидан Олий суд Раёсатига қуйидагилар тафтиш тартибида протест келтириши мумкин:

Олий суди раиси, Бош прокурор, прокурор иштирокида кўрилган иш бўйича , шунингдек бошқа ишлар бўйича.

Тафтиш тартибидаги шикоят вилоят судиномига йўлланади, лекин ҳал қилув қарори қабул қилган судга берилади.

Ҳал қилув қарори қабул қилган суд шикоят (протест) келиб тушган кундан бошлаб беш кунмуддатда иш билан бирга тафтиш тартибида кўрадиган судга юборади.

Тафтиш тартибида шикоят (протест) бериш муддатлари:

Биринчи инст. судининг қарори, ажрими қонуний кучга кирган кундан бошлаб бир йил;

Вилоят судига тафтиш тартибида шикоят бериш муддати кассация инстнцияси томонидан қарор қабул қилингунига қадар ўтган тақдирда кассация инстанцияси қарори қабул қилинган кундан бошлаб уч ой;

Олий судга вилоят суди томонидан тафтиш тартибида қарор қабул қилинган кундан уч ой ичида, Олий судининг Раёсатига Олий суд раисининг, Бош прокурорнинг протести  тарафларнинг мурожаати келиб тушган кундан бошлаб уч ой ичида, лекин Олий суднинг Маъмурий ишлар бўйича судлов ҳайъати томонидан тафтиш тартибида кўриб, қарор қабул қилинган кундан бошлаб олти ойдан кечиктирмай берилиши мумкин.

Тафтиш тартибида шикоят (протест) беришнинг ўтказиб юборилган муддати шикоят берган шахснинг илтимосномаси бўйича , агар илтимоснома тафтиш тартибида шикоят бериш муддати ўтган кундан бошлаб уч ой ичида берилган шикоят бериш сабаблари узурли деб топилган бўлса тикланиши мумкин.

Бироқ ушбу муддат ўтгандан кейин берилган тафтиш тартибидаги шикоят (прот) кўриб чиқилмайди.

Тафтиш тартибидаги шикоятда (протестда) қуйидагилар кўрсатилади:

Шикоят йўлланаётган тафтиш инст. судининг номи;

Шикоят бераётган шахснинг номи, (ф.и.о) манзили;

Устидан шикоят бераётган қарорни қабул қилган суднинг номи;

Ишнинг рақами, ҳал қилув қарори қабул қилинган санаси;

Шикоят бераётган шахснинг талаби, далиллар, қонунларга ҳавола қилиб, суд қарорини нотўғри деб ҳисоблашга оид асослар;

Шикоятга илова қилинаётган ҳужжатлар рўйхати;

Ишда иштирок этаётган шахснинг шикоятида суд ҳужжати унинг қандай ҳуқуқ ва эркинликлари ёки қонуний манфаатларини бузилаётганлигини кўрсатиши керак;

Шикоят бераётган шахснинг телефон рақами;

Шикоят бераётган шахс ёки вакили томонидан имзоланган бўлиши.

Тафтиш шикоятига қуйидагилар илова қитлинади:

Давлат божи ва почта харажатлари квитанцияси;

Шикоят нусхаси ишда иштирок этувчи шахсларга юборилганлигини тасдиқловчи ҳужжат;

Шикоятда вакил имзолаган бўлса, унинг ишончномаси;

Вилоят маъмурий судининг тафтиш тартибидаги шикоятни қабул қилишни рад этиш ёки қайтариш тўғрисидаги ажрими устидан Олий судининг Маъмурий ишлар бўйича судлов ҳайъатига берилади.

Вилоят суди томонидан шикоятни иш юритишга қабул қилиш тўғрисидаги ажрим чиқарилган кундан бошлаб бир ой ичида кўриб чиқади.

Олий суд шикоят кўриб чиқиш учун ўтказилган кундан бошлаб бир ой.

Ишни кўраётган судлов ҳайъати томонидан  бир ойга узайтирилади.

Олий суди Раёсатига келиб тушган келиб тушган протест Раёсатга келиб тушган  кундан бошлаб икки ой муддат ичида кўрилади.

Мамлакатимизда қабул қилинган қонунлар ва уларга киритилган ўзгаришларнинг асосий мақсади инсон манфаати, уларга шароит яратиш, яшаш тарзини яхшилашдан иборат.

Ушбу Қонун билан Ўзбекистон Республикаси МСИЮтКга киритилган ўзгаришлар фуқароларнинг олис ҳудудлардан судга келиб сарсон бўлишининг олдини олади, уларга қўлайликлар яратади, ўзларининг ҳуқуқ ва қонуний манфаатларини суд орқали ҳимоя қилиш учун янада кенгроқ имкониятлар яратади деган умиддамиз.

Сурхондарё вилоят маъмурий

судининг судьяси:                                                            Хадича Рахимова

• on 14 Dek 2023
• By admin
• Янгиликлар

Д И Қ Қ А Т, Т А Н Л О В!

Сурхондарё вилоят маъмурий суди судья катта ёрдамчиси лавозимига малакали мутахассисларни ишга таклиф қилади.

Номзодлар танлов асосида ишга қабул қилинади.

Танловда олий юридик маълумотли, компьютер билан ишлаш малакасига эга бўлган мутахассислар иштирок этиши мумкин.

Номзоднинг чет тилларини билиш қобилияти қўшимча равишда рағбатлантирилади.

Танлов бўйича номзодни ишга қабул қилиш тегишли комиссия суҳбати натижасига кўра амалга оширилади.

Танловда иштирок этиш истагини билдирган номзодлар Сурхондарё вилоят маъмурий судига (Термиз шаҳри, Навбоғ кўчаси,
12-уй) қуйидаги ҳужжатларни юборишлари сўралади:

– ариза (яшаш манзили ва телефон рақамини кўрсатган ҳолда);

– маълумотнома (объективка);диплом нусҳаси иловаси билан.

Аризалар 2023 йил  25 декабрь, соат 17:00 га қадар қабул қилинади.

Мурожаат учун тел.: (76) 227 28-18.